दांडिया खेळ पारंपारिक संस्कृतीचे दर्शन घडवतो – अनिल सावंत

संपादक – दिनेश खंडेलवाल 

दांडिया खेळ पारंपारिक संस्कृतीचे दर्शन घडवतो – अनिल सावंत

भैरवनाथ उद्योग समूहाचे व्हाईस चेअरमन अनिल सावंत आयोजित दांडिया उत्सवात १८ विजेते

पंढरपूर(प्रतिनिधी):- सध्या नवरात्र महोत्सव सुरू असल्याने अनेक ठिकाणी महिला व युवती तसेच युवकांमध्ये दांडिया खेळाचे आकर्षण असल्याने या खेळाचे महत्व ओळखून आपण स्पर्धा ठेवली आहे. दुर्गा मातेला प्रसन्न करण्यासाठी आपण दांडिया खेळत असलो तरी दांडिया हा खेळ पारंपारिक संस्कृतीचे दर्शन घडवतो. याबरोबरच बंधुता, एकात्मतेचा देखील संदेश देतो. त्यामुळे या खेळाला विशेष महत्त्व आहे. अशी प्रतिक्रिया अनिल सावंत यांनी व्यक्त केली.

श्री संत तनपुरे महाराज मठामध्ये आयोजित केलेल्या दांडिया स्पर्धेमध्ये ते बोलत होते यावेळी बोलतात ते पुढे म्हणाले की महिलांना हक्काचे व्यासपीठ मिळावे, महिलांचा सामाजिक कार्यक्रमात अधिक सक्रिय सहभाग असावा. यासाठी सातत्याने गेल्या दीड महिन्यांपासून खेळ पैठणीच्या खेळाचे कार्यक्रम पंढरपूर व मंगळवेढा तालुक्यात आपण घेतले आहेत. उपस्थित सर्व महिलांना नवरात्रीच्या मी शुभेच्छा देतो. आपणास माझं भाषण ऐकण्यात अजिबात इंटरेस्ट नाही, तुमचं लक्ष दांडीया खेळावर आहे. परंतु समाजामध्ये तुमचं असणारं महत्त्व तुम्ही ओळखणे आवश्यक आहे. या दांडिया कार्यक्रमाच्या विशेष सहकार्याबद्दल मी एनआयटी कॉम्प्युटर्स, आर्यन उत्पाद आणि अश्वरी ब्युटी पार्लर यांचे विशेष आभार मानतो. महिलांना समजेल अशा प्रकारे खेळ घेण्याचा नेहमीच प्रयत्न असतो. असेही सावंत म्हणाले. प्रारंभी अनिल सावंत आणि पत्नी शैलजा सावंत यांच्या हस्ते दीप प्रज्वलन करण्यात आले.

यावेळी एनआयटी कॅम्पुटर चे शाम गोगाव म्हणाले की अनिल दादा सावंत महिलांसाठी गेल्या दीड महिन्यांपासून पैठणी या कार्यक्रमाचे आयोजन करत आहेत. महिला ह्या सामाजिक विचारांचा कणा आहेत. समाजात महिला सक्षम बनली तरच समाज आर्थिक आणि सामाजिक दृष्ट्या प्रगती करतो. महिलांना सक्षम बनविण्यासाठी येणाऱ्या अडचणी समजून त्या दृष्टीने पावले टाकता यावीत त्यासाठी अनिल दादा सावंत अशा कार्यक्रमाचे आयोजन करतायत. महिला सक्षमीकरणावर त्यांचे विचार आणि असणारे उद्दिष्ट लक्षात घेऊन, आपण त्यांना येणाऱ्या विधानसभा निवडणुकीत आशीर्वाद रुपी मदत करणे आवश्यक असल्याचे शाम गोगाव यांनी सांगितले.

कार्यक्रमाला प्रमुख उपस्थिती म्हणून डॉक्टर नीरज शहा, एनआयटी कम्प्युटरचे संचालक शाम गोगाव, स्वागत कदम, समाधान जाधव, गुरु टीगळे आणि भैरवनाथ उद्योग समूहाचे पदाधिकारी, कर्मचारी उपस्थित होते.

कार्यक्रमाचे इव्हेंट मॅनेजमेंट फारुख काझी यांनी केले. हर्ष डिजिटलचे गणेश बोडके, मार्तंड ॲडवर्टाइजमेंटचे अनिकेत मेटकरी, अनंत तनपुरे यांचेही विशेष सहकार्य होते.

एलईडी टीव्ही, ओव्हन, मिक्सर, सायकल, साऊंड बार, अशी अनेक आकर्षक १८ बक्षीसे ठेवण्यात आली होती. या स्पर्धेचे प्रथम बक्षीस एलईडी टीव्ही मिसेस गुप्ता यांना मिळाले.

दांडीया खेळामधून अठरा विजेत्या स्पर्धकांना आयोजक अनिल सावंत आणि पत्नी शैलजा सावंत यांच्या हस्ते बक्षीस वितरण करण्यात आले. कार्यक्रमाचे प्रस्ताविक आणि आभार एनआयटी कॉम्प्युटरचे संचालक शाम गोगाव यांनी केले.