पंढरीतून हजारो बौद्ध बांधवांना घेऊन मनसेची धम्म यात्रा नागपूरकडे रवाना
मनसे नेते दिलीप बापू धोत्रे यांच्या वतीने धम्म यात्रेचे आयोजन
संपादक – दिनेश खंडेलवाल
पंढरीतून हजारो बौद्ध बांधवांना घेऊन मनसेची धम्म यात्रा नागपूरकडे रवाना
मनसे नेते दिलीप बापू धोत्रे यांच्या वतीने धम्म यात्रेचे आयोजन
पंढरपूर(प्रतिनिधी):- धम्मचक्र परिवर्तन दिनानिमित्त महाराष्ट्र नवनिर्माण सेनेचे पंढरपूर-मंगळवेढा विधानसभा मतदार संघाचे उमेदवार दिलीप बापू धोत्रे यांच्या वतीने पंढरपूर ते नागपूर दीक्षाभूमी येथे धम्म यात्रेचे आयोजन करण्यात आले होते.
हि धम्म यात्रा रविवारी पंढरपूर-मंगळवेढा मतदारसंघातील हजारो बौद्ध बांधवांना घेऊन पंढरपूर येथून नागपूरकडे रवाना झाली. या धम्म यात्रेची सुरुवात पंढरपूर येथील सारनाथ बुद्ध विहार येथे मनसे नेते दिलीप बापू धोत्रे यांच्या हस्ते पुष्पहार घालून त्रिसरण पंचशील ग्रहण करून अभिवादन करून करण्यात आली.
भारतीय राज्यघटनेचे निर्माते डॉ. बाबासाहेब आंबेडकर यांनी १४ ऑक्टोबर १९५६ साली आपल्या लाखो अनुयायांना सोबत घेऊन नागपूर येथील दीक्षाभूमी येथे बौद्ध धर्माची दीक्षा घेतली होती. हा दिवस धम्मचक्र परिवर्तन दिन म्हणून बौद्ध समुदायामध्ये महत्त्वपूर्ण आणि आदरणीय मानला जातो. तेव्हापासून १४ ऑक्टोबर रोजी देशभरातील लाखो बौद्ध बांधव नागपूर येथील दीक्षाभूमी येथे अभिवादन करण्यासाठी जातात. या धम्मचक्र परिवर्तन दिनाचे औचित्य साधून मनसे नेते दिलीप बापू धोत्रे यांच्या संकल्पनेतून धम्म यात्रेचे आयोजन करण्यात आले होते.
या धम्म यात्रेत पंढरपूर-मंगळवेढा विधानसभा मतदार संघातील हजारो अबाल वृध्दासह बौद्ध बांधवांनी सहभाग नोंदवून नागपूरकडे स्पेशल बसेस मधून रवाना झाले.
यावेळी सर्व यात्रे करूंना महत्त्वाच्या सूचना देत आपापल्या सामानाची तसेच आजाराची औषधं सोबत घेतले आहे का कोणाला काही वाटल्यास ताबडतोब कळवणे प्रत्येक वाहनांमध्ये बिस्किट, पिण्याचे पाणी इतर साहित्य दिलेले असल्याचेही दिलीप धोत्रे यांनी सांगितले.
