पंढरपूरात आज आणि उद्या महा लसिकरण मोहिम २० ठिकाणी सुरू- मुख्याधिकारी अरविंद माळी यांची माहिती

लोकपत्र न्यूज

संपादक-दिनेश खंडेलवाल

पंढरपूर : शहरातील नागरिकांचे आरोग्य सुरक्षित राहण्यासाठी तसेच कोरोना संसर्गाचा प्रादुर्भाव लक्षात घेता लसिकरण वेगाने होणे गरजेचे आहे. यासाठी पंढरपूर शहरातील वेगवेगळ्या प्रभागात एकूण २० ठिकाणी दिनांक ३० व ३१ डिसेंबर २०२१ रोजी महा लसिकरण मोहिमेचे आयोजन करण्यात आले असल्याची माहिती नगर पालिकेचे मुख्याधिकारी अरविंद माळी यांनी दिली.

कोरोनाची साथ कमी झाली याचे कारण केवळ लसिकरण आहे. पंढरपूर शहरातील ३६ टक्के नागरिकांनी पहिला डोस घेतला नाही . त्यांनी त्वरीत पहिला डोस घ्यावा. तसेच ६४ टक्के नागरिकांनी दुसरा डोस घेतला नाही त्यांनी दुसरा डोस घ्यावा. संभाव्य तिसऱ्या लाटेचा धोका लक्षात घेता शहरातील १८ वर्षा पुढील नागरिकांनी स्वत:च्या सुरक्षितेसाठी लस घ्यावी. असे आवाहनही मुख्याधिकारी माळी यांनी केले आहे.

या २० ठिकाणी सुरू आहे लसीकरण

या महा लसिकरण मोहिमेतंर्गत शहरातील ६५ एकर, लखुबाई पटांगण अंगणवाडी, साठे नगर अंगणवाडी, अनिल नगर भगवती मंदीर, सेंट्रल नाका अंगणवाडी, नगरपालिका दवाखाना कोळी गल्ली, लोकमान्य विद्यालय, कालिका देवी मंदिर, काळा मारुती दवाखाना, बुद्ध विहार आंबेडकर नगर, बडवे सर झोपडपट्टी अंगणवाडी, बनसोडे मळा अंगणवाडी, गणेश नगर दत्त मंदिर, माळी वस्ती अंगणवाडी टाकळी रोड, आय.एम.ए हॉल, मनीषा नगर विठ्ठल मंदिर, मोसिन विद्यालय अंगणवाडी, विसावा मंदिर इसबावी, नागरी आरोग्य केंद्र नंबर- २ तसेच ७ नंबर शाळा या ठिकाणी लसिकरण केंद्र सुरु राहणार असल्याचे मुख्याधिकारी माळी यांनी सांगितले.

महा लसिकरण मोहिमेतंर्गत लसिकरणासाठी २० टोचक, ४० आशा वर्कर व अंगणवाडी सेविका, ४ सुपरवायझर, २० डाटा एन्ट्री ऑपरेटर कार्यरत राहणार असून संबधित लसिकरण केंद्र सकाळी ८.०० ते ५.०० यावेळेत सुरु राहणार आहेत.

लसिकरणासाठी लस मुबलक प्रमाणात असून नागरिकांनी लसीबाबत कोणताही गैरसमज न ठेवता शहरातील सर्व नागरिकांनी लस घ्यावी असे आवाहन तालुका आरोग्य अधिकारी डॉ. एकनाथ बोधले यांनी केले आहे.

बातमी व जाहिरात साठी संपर्क-              दिनेश खंडेलवाल 8788544511Gmail : lokpatranewsppur123@gmail.com