संपादक – दिनेश खंडेलवाल
पंढरीत मनसे नेते दिलीप धोत्रे यांचा वाढदिवस विविध सामाजिक कार्यक्रमांनी साजरा
वृक्षारोपण, शालेय साहित्य वाटप, रिक्षाचालकांना मोफत गॅस वाटप कार्यक्रम संपन्न
वाढदिवसानिमित्त शुभेच्छा देण्यासाठी मनसे कार्यालयात मान्यवर नागरिकांची गर्दी
पंढरपूर(प्रतिनिधी):- महाराष्ट्र नवनिर्माण सेनेचे नेते दिलीप बापू धोत्रे यांचा वाढदिवस पंढरपूर आणि परिसरात सामाजिक कार्यक्रमांचे आयोजन करून मोठ्या उत्साहात साजरा करण्यात आला.
मनसे नेते दिलीप धोत्रे यांच्या वाढदिवसाचे औचित्य साधून पंढरपूर तालुक्यातील गादेगाव येथे वृक्षारोपण तसेच विद्यार्थ्यांना शालेय साहित्याचे वाटप याचबरोबर विद्यार्थ्यांना चालू घडामोडीचे ज्ञान मिळावे. यासाठी येथील शाळेला जिओ टीव्ही भेट देण्यात आला.
कोर्ट येथील शंभू महादेवाला दिलीप धोत्रे यांच्या दीर्घायुष्यासाठी व पुढील कार्यासाठी श्रेयश दिलीप धोत्रे यांच्या हस्ते अभिषेक घालण्यात आला. गोपाळपूर येथील मातोश्री वृद्धाश्रम येथे मीष्ठांन भोजन देण्यात आले. पंढरपूर येथील गोरगरीब रिक्षा चालकांना मोफत गॅसचे वाटप करण्यात आले. यावेळी पंढरपूर येथील शेकडो रिक्षाचालकांनी एकत्र येत दिलीप धोत्रे यांचा वाढदिवस साजरा करून त्यांना पुढील कार्यासाठी शुभेच्छा दिल्या. दरम्यान माढा विधानसभेचे आमदार अभिजीत पाटील यांनी धोत्रे यांच्या निवासस्थानी भेट देऊन त्यांना शुभेच्छा दिल्या.
वाढदिवसानिमित्त सकाळपासूनच दिलीप धोत्रे यांना शुभेच्छा देण्यासाठी राजकीय, सामाजिक, शैक्षणिक यासह विविध क्षेत्रातील नागरिकांनी पंढरपूर येथील मनसे कार्यालयात गर्दी केले होते. पंढरपूर शहरातील विविध ठिकाणी त्यांचा वाढदिवस सामाजिक कार्यक्रमांनी मोठ्या उत्साहात साजरा करण्यात आला.
