पंढरीत बेरोजगार तरुणांसाठी “भव्य नोकरी महोत्सव”

संपादक – दिनेश खंडेलवाल

पंढरीत बेरोजगार तरुणांसाठी “भव्य नोकरी महोत्सव”

अनिल दादा सावंत यांनी
शिक्षीत युवकांना उपलब्ध करून दिली सुवर्णसंधी

पंढरपूर(प्रतिनिधी):- पंढरपूर मंगळवेढा मतदार संघामधून उदयास येत असलेले उमलते नेतृत्व व येणाऱ्या विधानसभेचे संभाव्य उमेदवार म्हणून ओळखले जाणारे भैरवनाथ शुगरचे चेअरमन अनिल दादा सावंत यांनी पंढरपूर मंगळवेढा मतदारसंघांतील असंख्य बेरोजगार तरुणांसाठी त्यांच्या हाताला काम मिळवून देण्याच्या उद्देशाने भव्य नोकरी महोत्सवाचे आयोजन केले आहे.

रविवार दिनांक ६ ऑक्टोबर २०२४ रोजी शहरातील संत तनपुरे महाराज मठामध्ये सकाळी दहा ते सायंकाळी चार वाजेपर्यंत बेरोजगार तरुणांसाठी नांव नोंदणी करण्याकरिता लिंक जाहीर केलेली आहे. https// maharastrajo fair.com/ anil sawant/
https// forms.gle
/Ld9KSTyfuo9zg2H29
सदरील लिंक वर नांव नोंदणी करावी असे आवाहन आयोजकांच्या वतीने करण्यात आले आहे.

अनिल दादा सावंत यांनी काही मोजक्याच दिवसाच्या कालावधीमध्ये संपूर्ण पंढरपूर मंगळवेढा मतदार संघामध्ये आपल्या विविध कार्याच्या माध्यमातून सामाजिक उपक्रमातून, सांस्कृतिक कार्यक्रमामधून आणि त्याचप्रमाणे बेरोजगार तरुणांच्या हाताला काम मिळवून देण्याच्या उद्देशाने हा भव्य नौकरी महोत्सव २०२४ आयोजित केला आहे.

आज पर्यंत पंढरपूर मंगळवेढा मतदारसंघांमधील बेरोजगार तरुणांच्या हाताला काम मिळवून देण्याच्या उद्देशाने कुठल्याही आजी-माजी सत्ताधाऱ्यांनी प्रयत्न केलेले नाहीत. नोकरीसाठी येथील तरुण पुणे कोल्हापूर सारख्या मोठ्या शहरात जात आहे. म्हणून बेरोजगार तरुणांच्या हाताला काम मिळावे यासाठीच हा रोजगार मेळावा आयोजित केलेला आहे.

यामध्ये मॅन्युफॅक्चरिंग, बँकिंग,फायनान्स रिटेल, बीपीओ, हेल्थकेअर, सिक्युरिटी, हॉस्पिटल, ऑटोमोबाईल,फार्मा, आयटी इंजिनिअर क्षेत्रातील नामवंत कंपन्यांमध्ये तरुण-तरुणींना आपल्याच शहरात सुवर्णसंधी उपलब्ध करून दिली आहे. यामध्ये कमीत कमी शैक्षणिक पात्रता पाचवी पास पासून ते दहावी,बारावी, पदवीधर, आयटीआय, डिप्लोमा इंजीनियर विविध क्षेत्रातून शिक्षण घेतलेले युवक युवती सहभागी होऊ शकतात. वयाची पात्रता १८ ते ३० पर्यंत लागू असणार आहे. अनिल दादा सावंत यांचे बेरोजगारांच्या विषयी असलेली आस्था व बेरोजगारांचे प्रश्न सुटावेत म्हणून भव्य नोकरी महोत्सव त्यांनी आयोजित केलेला आहे. याचा लाभ पंढरपूर मंगळवेढा मतदारसंघातील तरुण युवकांनी घ्यावा असे आवाहन केलेले आहे.