अनिल दादा सावंत यांनी गाव भेट दौऱ्यात दिली लोकसेवेची पंचसूत्री

संपादक – दिनेश खंडेलवाल 

अनिल दादा सावंत यांनी गाव भेट दौऱ्यात दिली लोकसेवेची पंचसूत्री

मंगळवेढा तालुक्यातील विविध गावामध्ये सांगितले मतदारांना आपले व्हिजन

पंढरपूर(प्रतिनिधी):- 252 पंढरपूर मंगळवेढा विधानसभा मतदारसंघातील विविध गावांमध्ये अनिल दादा सावंत यांनी आज प्रचाराचा धुमधडाका चालवला या
दौऱ्यादरम्यान महाविकास आघाडीच्या विचारधारेवर आधारित आगामी योजनांची माहिती व ‘लोकसेवेची पंचसूत्री’मतदारांसमोर मांडली आणि गावकऱ्यांना विकासाचे नवे दृष्टिकोन समजावून ओके सांगितले. महाविकास आघाडीच्या सहकार्याने या मतदारसंघात विकासाच्या नव्या योजना राबवण्याचा संकल्प आहे. ज्याचा थेट लाभ मतदारसंघातील सर्वसामान्य नागरिकांना होईल.

मंगळवेढा तालुक्यातील भालेवाडी ,डोणज ,नंदुर, अरळी,लमान तांडा (बालाजीनगर), कागष्ट, मरवडे, जित्ती ,येड्राव, माळेवाडी ,हुलजंती ,पौट ,बावची ,जंगलगी , चिक्कलगी,निंबोनी, जालिहाळ, भाळवणी, हिवरगाव, तळसंगी, खोमनळ आदी २१ गावांमध्ये मतदारांचा उत्स्फूर्त प्रतिसाद लाभला.

पंढरपूर मंगळवेढा मतदारसंघातील आजच्या गावभेट दौऱ्याचा यशस्वी समारोप झाला. या दौऱ्यादरम्यान मतदारसंघातील विविध गावांना भेट देऊन स्थानिक रहिवाशांशी संवाद साधला आणि त्यांच्या समस्या व अडीअडचणी समजून घेण्याचा प्रयत्न केला.

गावभेट दौऱ्यात गावकऱ्यांशी संवाद साधताना त्यांनी स्थानिक पायाभूत सुविधा, रोजगार संधी, शेतकरी प्रश्न, जलसंधारण, शिक्षण आणि आरोग्य सुविधा यासारख्या अनेक महत्त्वाच्या विषयांवर चर्चा केली. प्रत्येक गावात नागरिकांनी मोठ्या संख्येने सहभागी होऊन आपले प्रश्न मांडत होते. यावेळी त्यांच्या समस्या निवारणासाठी ठोस उपाययोजना करण्याचे आश्वासन दिले.

यावेळी महिला वर्गांनी त्यांचे औक्षण करून त्यांना मतदान रुपी आशीर्वाद देऊन आपला विजय निश्चित असल्याचे सांगितले. त्याचबरोबर या मतदारसंघावर आम्ही सर्व शरद पवार साहेबांची माणसे असून त्यांचा निर्णय योग्यच असतो. त्यांनी दिलेल्या उमेदवाराला आम्ही भरघोस मताधिक्याने विजयी करू असे ही सांगितले.