माढा मतदारसंघात विकासाचा धुरळा उडवणार – अभिजीत पाटील

संपादक – दिनेश खंडेलवाल 

माढा मतदारसंघात विकासाचा धुरळा उडवणार – अभिजीत पाटील

२ ११,१११ प्रथम बक्षीस बैलगाडा शर्यतीचे ठरले मानकरी नाथसाहेब प्रसन्न मोहेल शेठ धुमाळ व पै.तेजस भैय्या पाटील

माढा तालुक्यातील बावी येथे ओपन बैलगाडा शर्यतीचा उडाला धुरळा

पंढरपूर(प्रतिनिधी):- माढा तालुक्यातील बावी येथे सोलापूर जिल्ह्यातील सर्वात मोठे बैलगाडा शर्यत भरवण्यात आली होती यामध्ये प्रथम दोन लाख अकरा हजार एकशे अकरा रुपयाचे बक्षीसाच्या शर्यतीचे मानकरी ठरले नाथसाहेब प्रसन्न मोहेल शेठ धुमाळ व पै.तेजस भैय्या पाटील यावेळी बैलगाडा शर्यत पाहण्यासाठी मोठ्या संख्येने जिल्ह्यातून नागरिक आले होते तर महाराष्ट्राच्या लांब पल्ल्यातूनही आपल्याला बक्षीस मिळणार या आशेने अनेक बैलगाड्यांनी सहभाग नोंदवला होता. अत्यंत चुरशीच्या लढतीमध्ये अखेर बाजी मारत अनेकांना मिळाली लाखोंची बक्षिसे माढा विधानसभा मतदारसंघात विठ्ठल साखर कारखान्याचे चेअरमन अभिजीत पाटील यांनी सामाजिक कार्यक्रमांच्या धडाका लावला आहे. ओपन बैलगाडा शर्यतीच्या मैदानाने मोठी धमाल केली. सुमारे दहा हजार बैलगाडा शर्यत शौकिनांनी या कार्यक्रमास हजेरी लावल्याचे दिसून आले. बैलगाडा शर्यतीतील बैलांनी अक्षरशः धुरळा उडवून दिला.

यावेळी अभिजीत पाटील यांनी नागरिकांनी पाठीशी उभे राहिल्यास या मतदारसंघात विकास कामांचा धुरळा उडवून देऊ. आजपर्यंत स्पर्धकच शर्यतीत उतरला नव्हता. आता जशास तसे उत्तर देणारा स्पर्धक मैदानात उतरला आहे अशी बोचक टिका करताच उपस्थितांनी मोठा जल्लोष केला.

विठ्ठल साखर कारखान्याचे चेअरमन अभिजीत पाटील यांनी मागील काही महिन्यांपासून, माढा तालुक्यात तळ ठोकला आहे. माढा केसरी कुस्ती स्पर्धा, माढा केसरी बैलगाडा शर्यत, महिलांसाठी खेळ मांडियेला यासारख्या विविध कार्यक्रमांचा धडाका उठवला आहे. शेतकऱ्यांना ऊसचा दर वाढवून देण्यात अभिजीत पाटील यांचाच मोठा वाटा असल्याची चर्चा शेतकरी वर्गातून होऊ लागली आहे.

माढा केसरी २०२४ बैलगाडा शर्यतीने आता शेतकरी वर्गाची मने जिंकण्याचा प्रयत्न केला आहे. बावी येथे भरवण्यात आलेल्या बैलगाडा शर्यतीच्या समारोपप्रसंगी त्यांनी नागरिकांना संबोधित केले. शेतकऱ्याचा मुलगा चेअरमन झाल्यावर काय फायदा होतो, हे शेतकऱ्यांना कळले आहे. चेअरमनचा मुलगा चेअरमन झाल्यास कारखान्याची कशी वाट लागते, हेही शेतकऱ्यांनी पहिले आहे. आता शेतकऱ्यांच्या मुलाला आमदार करण्याची संधी नागरिकांनी दिल्यास माढा तालुक्याचा सर्वागिण विकास करून दाखवणार असल्याचे सांगितले. या तालुक्यात विकासाचा धुराळा उडवून देऊ, असा विश्वास त्यांनी यावेळी व्यक्त केला.

यावेळी प्रथम क्रमांक नाथसाहेब प्रसन्न मोहेल शेठ धुमाळ व पै.तेजस भैय्या पाटील व दुसरा क्रमांक सेवागिरी प्रसन्न सोहम जगदीश बापू शिंदे उरळी तर तिसरा क्रमांक पै.विराज नानासाहेब पिसे पठारवाडी शिरवळ, चौथा क्रमांक बडेबाबा प्रसन्न शिवांश तुषार घोरपडे सरकार पनवेल तसेच पाचवा क्रमांक अतुल नाना सुर्वे मोडनिंब भारत प्रेमी तर सहावा क्रमांक सरपंच रामभाऊ पांढरे शिर्डी संभाजी गीते पिंपरीकर तर सातवा क्रमांक माॅ तुळजा भवानी प्रसन्न सर्वज्ञा अमोल दादा गायकवाड वडकी यांनी विजय खूचून आणत गुलालाची उधळण करत रोख पारितोषिक मिळवली.