२४ दिवसात आवताडे शुगरचे एक लाख मॅट्रिक टन उसाचे गाळप-संजय आवताडे

संपादक-दिनेश खंडेलवाल

२४ दिवसात आवताडे शुगरचे एक लाख मॅट्रिक टन उसाचे गाळप-संजय आवताडे

आमदार समाधान दादा आवताडे यांच्या मार्गदर्शनाखाली कारखाना प्रगती पथावर

पंढरपूर : मंगळवेढा तालुक्यातील नंदुर येथे आमदार समाधान आवताडे यांच्या मार्गदर्शनाखाली सुरू असलेल्या आवताडे शुगर्स अँण्ड डिस्टिलरीज प्रायव्हेट लिमिटेड या साखर कारखान्याने ४ नोव्हेंबरला उपमुख्यमंत्री देवेंद्र फडणवीस यांच्या हस्ते मोळी पूजन करून प्रथम गळीत हंगामाचा शुभारंभ केला होता. अवघ्या २४ दिवसात म्हणजेच २८ नोव्हेंबर रोजी सकाळी ७ वाजता एक लाख मेट्रिक टन उसाचे गाळप करून कमी कालावधीत जास्त गाळपाचा उच्चांक केला असल्याची माहिती कारखान्याचे चेअरमन संजय आवताडे यांनी दिली.

यावेळी बोलताना चेअरमन संजय आवताडे म्हणाले की कारखाना घेतल्यानंतर अवघ्या दोन महिन्यात युद्ध पातळीवर कारखान्याची सर्व यंत्रणा उभा करून कारखाना सुरू करण्यामध्ये कामगारांचा मोलाचा वाटा आहे. या कारखान्याचे मुख्य कार्यकारी अधिकारी कुर्मादास चटके व कार्यकारी संचालक मोहन पिसे यांच्या कुशल सहाय्याने कमी कालावधीत आम्ही हा उच्यांक गाठू शकलो.

या काळामध्ये तोडणी वाहतुक ठेकेदार, ऊस उत्पादक शेतकरी या सर्वांचे सहकार्य लाभल्यामुळे कमी कालावधीत चांगले गाळप झाले असून शेतकऱ्यांनी आवताडे शुगरवर जो विश्वास दाखवला त्या विश्वासास पात्र राहीलो आमदार समाधान दादा आवताडे यांच्या मार्गदर्शनाखाली कारखान्याचे कार्य प्रगती पथावर आहे. उस उत्पादक शेतकऱ्यांना समाधानकारक दर देऊन हा कारखाना शेतकऱ्यांचा असल्याचे दाखवून देणार असल्याचे चेअरमन संजय आवताडे यांनी सांगितले.